ڕۆژی سێشەممە ۸ی گەلاوێژ پۆلێک لە کۆڵبەرانی ناوچەی پیرانشار لە ناوچەی سنووریی حاجی ئۆمەران درانە بەر دەستڕێژی هێزەکانی سپای پاسدارانی ڕێژیمی ئێران.
لەم ڕووداوەدا دوو کاسبکار بە ناوەکانی محەممەد حەسەنزادە و محەممەد چووکەڵی بە توندی بریندار بوون و بەهۆی سەختیی برینەکانیان بۆ نەخۆشخانەی چۆمان لە باشووری کوردستان گواسترانەوە.
برینداربوونی ئەم دوو کۆڵبەرە لە حاڵێکدایە کە لە سەرەتای هاوینەوە تا ئێستا 33 کۆڵبەر و کاسبکاری کورد بە تەقەی هێزەکانی ڕێژیم کوژراون و بریندار بوون، هێزەکانی ڕێژیم لە وەرزی بەهاریشدا 56 کاسبکاری کورد بە دەستڕێژی هێزەکانی کۆماری ئیسلامی کوژرابوون و بریندار بوون و بەوەش ژمارەی ئەو کاسبکارانەی لە سەرەتای ئەمساڵەوە کوژراون و بریندار بوون گەیشتە 89 کەس.
