دەزگای قەزایی کۆماری ئیسلامیی ئێران زیندانییەکی سیاسیی کورد، بەندکراو لە بەندیخانەی ورمێی بە 5 ساڵ زیندانی سزا داوە.
بەپێی ڕاپۆرتی ناوەندی مافی مرۆڤ بۆ ڕۆژهەڵاتی کوردستان غەریب عەبدی، زیندانیی سیاسیی کوردی خەڵکی سەقز کە لە زیندانی ورمێ‌دا توند کراوە، بە تۆمەتی هاوکاریکردنی حیزبێکی کوردیی دژبەری کۆماری ئیسلامی دادگایی و سزای 5 ساڵ زیندانیی بەسەردا سەپاوە.
ناوبراو لە پەروەندەیەکی هاوبەش‌دا کە لەگەڵ حوسێن دانش‌پایە بوویەتی، دادگایی و زیندانیان بۆ بڕاوەتەوە. شایانی باسە دادگای شۆڕشی شاری ورمێ جیا لەو 5 ساڵە، سزای “ساڵێک زیندانیی هەڵپەسێراو”ی حوسێن دانش‌پەژووی سەرەڕای تێپەڕین لە کاتەکەشی بۆ لەبەرچاو گرتوە و ئەو یەک ساڵەشی لێ زیاد کردوە.
