چاونیوز: سێ هاونیشتمانی بە دانانی بارمتە هەتا کاتی دادگایی کردنیان ئازاد کران.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ڕۆژی شەممە ٢٢ی خەزەڵوەری ١٤٠٠، سێ هاونیشتمانی دەسبەسەر کراو بە ناوەکانی “سەلاح حوسێن پەنا و هوشیار شەعبانی چالاکانی مەدەنیی خەڵکی بانە، هیدایەت پەشام خەڵکی پیرانشار” بە دانانی بارمتە بەشێوەی کاتی لە زیندانەکانی بانە و نەغەدە ئازاد کران.
هوشیار شەعبانی لە ڕێکەوتی ٧ی خەرمانان و سەلاح حوسێن پەناش لە رێکەوتی ٣١ی خەرمانان لەلایەن هێزە ئیتلاعاتییەکان بانە دەسبەسەر کرابوون.
هەروەها هیدایەت پەشام لە ڕێکەوتی ٢٢ی ڕەزبەر بە تۆمەتی “هاوکاری دەگەڵ حیزبێکی کوردی دژبەری نیزام” دەسبەسەر و دوای یەک مانگ لێپرسینەوە بە دانانی بارمتەی ٥٠٠ میلیۆن تمەنی ئازاد کرا.
