۳ی رەزبەری ساڵی ۱۴۰۰ ھەتاوی
آموزش وردپرس

پەنابەرانی سیاسیی ڕۆژهەڵاتی کوردستان لە نۆ خاڵ دا ویست و داخوازییەکانی خۆیان ڕاگەیاند

چاونیوز: ئەمڕۆ پێنجشەممە ٣٠ی بانەمەڕ، پەنابەرانی سیاسیی ڕۆژهەڵاتی کوردستان، لە بەردەم نووسینگەی نوێنەرایەتیی UN لە شاری هەولێر، پێتەختی هەرێمی کوردستان خۆپیشاندانیان بەڕێوە بردووە و خوازیاری پێڕاگەیشتن بە داخوازییەکانیانن.

خۆپیشاندانی ئەو هاونیشتمانییانە پاش خۆسووتاندنی پەنابەرێكی سیاسی كورد بە ناوی “بێهزاد (محەممەد) مەحموودی”، خەڵکی بۆکان لە بەردەم نووسینگەی نوێنەرایەتیی ڕێکخراوی نەتەوە یەکگرتتەکان لە هەولێردا بەڕێوە چووە.

یەکێک لە ئەندامانی “ئەنجوومی پەنابەرانی ڕۆژهەڵاتی کوردستان‌_ هەرێمی کوردستان”بە چاونیوزی ڕاگەیاند: لەلایەن ڕێکخراوی “یونامی” داوایان لێ کردین سێ کەس وەک نوێنەری خۆپێشاندەران بچینە ژوور و داواکارییەکەمان بگەهێننە دەستی بەرپرسان، بەڵام هەموومان بە تێکرا ئەو داوایەمان ڕەت کردەوە و وتمان ئەوان دەبێ بێنە ناو خەڵکی ناڕازی و گوێمان بۆ ڕادێرن.

ئەو ئەندامەی ئەنجوومەنی پەنابەران وتی: سەرەڕای ئەوەیکە بەڕێز “ڕیکۆردۆ” نوێنەری یونامی بەڵێنی داوە ڕۆژی یەکشەممە وڵامیان دەداتەوە بەڵام ئێمە وەک ئەنجوومەنی پەنابەران بڕیارمان داوە هەتا وڵامی ڕاستەقینەمان نەدەنەوە ئێرە چۆل ناکەین.

ئێستا بەشێک لەو پەنابەرانە لەبەردەم بینای ڕێکخراوی نەتەوە یەکگرتووەکان خێوەتیان هەڵداوە و لە نووسراوەیەک دا کە بۆ “چاونیوز” نێردراوە لە ۹ خاڵ دا ویست و داخوازییەکانی خۆیان ڕاگەیاندووە.

١.یەکلاکردنەوەی کەیسی پەناخوازانی سیاسی کە بە پێی یاسایUNHCR دەبێ لە ماوەی نێوان سێ بۆ شەش مانگدا چارەنووسیان یەکلا بکرێت. هەروەها بەڕێکردنی پەنابەرانی سیاسی بۆ وڵاتی سێیەم.

٢.لە یەک جیاکردنەوەی کەیسی پەناخوازان و پەنابەرانی سیاسی لەگەڵ پەناخوازانی کۆمەڵایەتی کە هاتوونەتە هەرێمی کوردستان و هاتوچۆی ئێران دەکەن.

٣.دروستکردنی کەمپ و شوێنی نیشتەجێبوون بۆ پەنابەر و پەناخوازانی ڕۆژهەڵاتی کوردستان تا ئەو کاتەی کە دەگوازرێنەوە بۆ وڵاتی سێیەم.

٤.پێداچوونەوە بە میکانیزمی دابەشکردنی یارمەتییە مرۆییەکان و ڕێکخستنی سیستەمێکی دادپەروەرانە بە بێ جیاوازی کە پێوەری دیاریکراوی هەبێت.

٥.چارەسەرکردنی کێشەی فۆرمی خۆراک بۆ ئەو پەنابەرانەی کە ئیقامەی هەرێمی کوردستانیان هەیە، بەڵام لە لایەن حکوومەتی عێراقەوە خوراکیان ڕاگیراوە.

٦.چارەسەرکردنی کێشەی پەنابەرانی نەخۆش و کەمئەندام

٧.چارەسەرکردنی کێشەکانی ئیدارەی پەنابەران لە دائیرەی نشینگەدا

٨.چارەسەری کێشەی خوێندن بۆ خوێندکاران و قوتابییانی ڕۆژهەڵاتی کوردستان و دابینکردنی یارمەتی مانگانە بۆیان.

٩.ڕەخساندنی هەلی کار بۆ پەنابەران.

https://t.me/ikhrc

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *