چاونیوز: حەوت زیندانیی سیاسی کورد بەشێوەی مەرجدار(مشروط) لە زیندان ئازاد کران.
بەپێی هەواڵی چاونیوز، ڕۆژی پێنج شەممە ٢٧ی سەرماوەزی ١٣٩٩، حەوت زیندانیی سیاسی کورد خەڵکی شنۆ بەناوەکانی کورش عەزیزی(وەستا کورش)، محەممەدئەمین قازی، یوسف ئەحمەدی، کامیل ئەحمەدی خانلەر، ئەبوبەکر میناپاک، مەغدید محەممەدزادە و تەییب بامروەت لە زیندانی شنۆ بە شێوەی مەرجدار ئازاد کران.
ئەم هاونیشتمانیانە لە مانگی بەفرانباری ٩٨ بەجیا لەلایەن هێزە ئیتلاعاتیەکانی سپاوە بە تۆمەتی “پێوەندەی بە حیزبێکی کوردی دژبەری نیزام” قۆڵبەست کرابوون و بۆ جێبەجێ کردنی سێ ساڵ حوکمی بەسەرداسەپاویان ڕەوانەی زیندانی ئەو شارە کرابوون.
