چاونیوز: دوو کۆڵبەر لە سنووری ناوچەی پاوە لەلایەن هێزەکانی سنووری ئەو ناوچەیە دەسبەسەر کران.
بەپێی هەواڵی چاونیوز: ڕۆژی شەممە ٢٢ی سەرماوەزی ١٣٩٩، هێزەکانی هەنگی مەرزی پاوە دوو کۆڵبەریان دەسبەسەر کرد کە کۆمەڵێک کەرسەیان لە باشووری کوردستانەوە بۆ ڕۆژهەڵات دەگواستەوە.
بەپێی ڕاگەیاندنی فەرماندەیی هەنگی مەرزی پاوە ئەو کەلوپەلانە بریتین لە: چەند کارتۆن سیگار، ٧ کەرسەی کارەبایی، ٤٥ کیلۆ ویشکەبار(خشکبار) و چەند دانەیەک کەلوپەلی تایبەت بە شیرنی و قەنادی سازکردن! و ئەو دوو کۆڵبەرەی کە ئەم کەرەسانەیان ڕاگواستووە قۆڵبەست بکەن.
جێگای ئاماژەیە کە، ساڵانە سەدان کۆڵبەر و کاسبکاری کورد بە هۆکاری هێنان و بردنی ئەم جۆرە کەرسانەی لەسەرەوە باس کرا، بە تەقەی ڕاستەوخۆ دەپێکرن کە بەشێکیان دەکوژرێن و بەشێکیش بە سەختی بریندار دەکرێن.
