۱۱ی گەلاوێژی ساڵی ۱۴۰۰ ھەتاوی
آموزش وردپرس

سزای ئێعدامی ئه‌نوه‌ر خزری هه‌ڵوه‌شاوه‌ته‌وه‌، به‌ڵام ۷ ساڵه‌ چاره‌نووسی ناڕوونه‌

ئه‌نوه‌ر خزری، زیندانیی عه‌قیده‌تیی کوردی به‌ندکراو له‌ زیندانی ڕه‌جایی‌شاری که‌ره‌ج ۷ ساڵه‌ به‌ندکراوه‌، به‌ڵام ئێستاش چاره‌نووسی یه‌کلا نه‌بۆته‌وه‌.

ئه‌نوه‌ر خزری، خه‌ڵکی مه‌هاباد ساڵی ۱۳۸۸ی هه‌تاوی به‌ تۆمه‌تی چالاکی ئه‌منیه‌تی له‌ دژی کۆماری ئیسلامی ده‌سبه‌سه‌رو دواتر به‌و هۆیه‌ سزای ئێعدامی به‌سه‌ردا سه‌پا. حوکمی ئێعدامی ناوبراو ساڵێک دواتر له‌لایه‌ن دیوانی به‌رزی وڵاته‌وه‌ هه‌ڵوه‌شا، که‌چی دوای ۷ ساڵ هێشتا له‌ به‌ندیخانه‌دا چاره‌نووسی ناڕوونه‌.

ناوبراو که‌ له‌ کاتی به‌ندکرانی له‌ زیندانی ئیتلاعاتی ورمێ‌دا به‌ توندی ئه‌شکه‌نجه‌ کرابوو، ئێستا تووشی نه‌خۆشیی کێشه‌ی هه‌ناسه‌دان، دڵ‌و گورچیله‌ هاتوه‌و سه‌ره‌ڕای چه‌ند جار مانگرتن به‌ڵام ئیزنی چاره‌سه‌ری نه‌خۆشی‌یه‌کانی له‌ ده‌ره‌وه‌ی زیندان پێ‌ناده‌ن.

ئه‌نوه‌ر خزری له‌گه‌ڵ شه‌ش زیندانیی دیکه‌ به‌ناوه‌کانی داوود عه‌بدوڵلاهی، کامڕان شێخه‌، فه‌رهاد سه‌لیمی، خوسره‌و به‌شاره‌ت، قاسم ئابسته‌و ئه‌ییوب که‌ریمی له‌ سه‌رماوه‌زی ۱۳۸۸دا ده‌سبه‌سه‌رو دواتر به‌ بڕیاری قازی موقه‌یسه‌ حوکمی ئێعدامیان به‌سه‌ردا سه‌پا که‌ دواتر له‌ دیوانی به‌رزی وڵات‌دا سزی ئێعدام‌یان له‌سه‌ر هه‌ڵگیرا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *