ناوه‌نده‌ ئه‌منیه‌تییه‌کانی کۆماری ئیسلامی له‌ سه‌رده‌شت دوو که‌سی خه‌ڵکی لیلانێ‌یان ده‌سبه‌سه‌ر کرد.

به‌پێی ڕاپۆرتی ناوه‌ندی مافی مرۆڤ بۆ ڕۆژهه‌ڵاتی کوردستان ئیداره‌ی ئیتلاعاتی شاری سه‌رده‌شت هه‌ڵی کوتاوه‌ته‌ سه‌ر گوندی لیلانێ‌‌ و دوو برای خه‌ڵکی ئه‌و ئاواییه‌ی به‌ناوه‌کانی جه‌عفه‌ر عه‌لیپوور و ئیبڕاهیم عه‌لیپوور ده‌سبه‌سه‌ر کردوه‌.

به‌پێی زانیارییه‌کان ئه‌و دوو که‌سانه‌ به‌ تۆمه‌تی هاوکاریی حیزبێکی کوردیی دژبه‌ری کۆماری ئیسلامی گیراون و خوشکه‌که‌شیان به‌ناوی مریه‌م که‌ ئه‌ویش بڕیاری گرتنی دراوه‌، ئێرانی به‌جێ‌هێشتوه‌.