چاونیوز: لە درێژەی ڕەشبگیریی هاونیشتمانیان لەلایەن هیزەکانی ئیدارەی ئیتلاعات، پێنج کەسی دیکە لە ناوچەی سنە دەسبەسەر کران.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ئەمڕۆ یەکشەممە ٢٣ی خەزەڵوەری ١٤٠٠، پێنج هاونیشتمانی بەناوەکانی “ئارام مرادیان” کوڕی عوسمان خەڵکی ئاوایی تەنگیسەر، “ئارەش منبەری” کوڕی حسێن، “زانیار منبەری” کوڕی ئەمانوڵلا، “میلاد منبەری” کوڕی محەممەد و “سەیوان منبەری” کوڕی حیشمەت خەڵکی ئاوایی “نییەر” سەر بە شاری سنە لەلایەن هێزەکانی ئیدارەی ئیتلاعات دەسبەسەر و بۆ شوێنێکی نادیار گوازرانەوە.
ئەو پێنج هاونیشتمانییە لە درێژەی ڕەشبگیریی خەڵکی کورد بووە کە بەبێ بەڵگەیی قەزایی و هۆکاری نادیار دەسبەسەر کراون.
