چاونیوز: کچێکی خەڵکی شاری ئابدانان سەر بە پارێزگای ئیلام کە پێشتر لە سنووری بانە دەسبەسەر کرابوو، لەلایەن دەزگای قەزایی کۆماری ئیسلامیی ئێرانەوە سزای بەندکرانی بە سەردا سەپا.
بەپێی هەواڵی “چاونیوز”(ناوەندی مافی مرۆڤ بۆ ڕۆژهەڵاتی کوردستان) “، کچێکی ٢١ ساڵەی خەڵکی شاری ئابدانان بەناوی “فاتمە کەریمی” لەلایەن لقی یەکی دادگای ئینقلابی شاری سەقز بە سەرۆکایەتی قازی “جەواد مستەفایی” سزای یەک ساڵ بەندکرانی بەسەردا سەپا.
فاتمە کەریمی خەڵکی ئابدانان پێشتر بۆ ماوەی چەند مانگ ئەندامی حیزبێکی کوردستانی دژبەری ڕێژیمی ئێران بووە و مانگی جۆزەردانی ئەمساڵ دوای جیابوونەوە لەو حیزبە لە سنووری بانەوە خۆی ڕادەستی هێزە ئیتلاعاتییەکانی ئێران کردبوو و پاش چەند ڕۆژ بە دانانی بارمتە و بە شێوەی کاتیی ئازاد کرابوو.
