چاونیوز: دوو هاونیشتمانی ژن و پیاو لە شارەکانی مەریوان و دێولان بە شێوازی خۆکوژی و کوشتنی بەئانقەست کۆتایی بە ژیانیان هات.
بەپێی هەواڵیی چاونیوز، ئەمڕۆ سێ شەممە ٢٥ی سەرماوەزی ١٣٩٩، ژنێکی تەمەن ٢١ ساڵە خەڵکی ئاوایی تیلەکۆ سەر بە شاری دێولان لەلایەن هاوژینەکەی کوژرا.
سەرچاوەیەک لە ناوچەی دێولان بە چاونیوزی ڕاگەیاند، ئەو ژنە و مێردە کێشەی خێزانیان دەگەڵ یەکتر هەبووە و لەکاتی شەڕەقسەدا مێردەکەی بە چەقۆ هەڵیدەکوتێتە سەری و گیانی لێ دەستێنێ.
لەلایەکی دیکەوە لە شاری مەریوان، لاوێکی تەمەن ٢٨ ساڵە بە ناوی زانیار بە ڕێگەی خۆهەڵاوەسینەوە کۆتایی بە ژیانی خۆی دێنێ.
هەتا ئیستا دیار نییە ئاخۆ ئەو لاوە بۆچی خۆی کوشتووە؟
