چاونیوز: دوو چالاکی ڕاگەیاندکاری کورد لە شاری بەدرەی ئیلام دەست بەسەر کران.
بە پێی هەواڵی چاونیوز، لە ماوەی چەند ڕۆژی ڕابردوودا، ٢ شارۆمەندی کورد بە تاوانی “تێکدانی بیروڕای خەڵکی و بێ ڕێزی بە پیرۆزییەکان لە رایەڵە کۆمەڵایەتییەکان” لەلایەن هێزە نیزامییەکانی شاری بەدرە دەست بەسەر کران.
ئەمیر بازیار، بەرپرسی هێزە نیزامییەکانی ئەو شارە ڕایگەیاندووە کە ئەو دوو کەسە لە تۆڕە کۆمەڵایەتییەکان بێ ڕێزیان بە پیرۆزییەکان کردووە و دوای ئەوەیکە لە ژێر چاوەدێری پۆلیسی ئینتەرنێتی ئێران دابوونە ناسراون و خێرا دەگیرێن.
دوای گرتنی ئەو دوو لاوە کە هەتا ئێستا ناوەکانیان بۆ ئێمە ڕوون نییە، بە بەڵگەوە بۆ لێپرسینەوە دەدرێنە داداگەی شاری بەدرە.
لە وێژەی یاسای کۆماری ئیسلامی ئێران دا بێ ڕێزی بە پیرۆزییەکان بریتییە لە بێ رێزی بە کەسایەتییە ناسراوەکانی جێ باوەڕی ئیسلام و حکومەتی ئیسلامی ئێران.
