چاونیوز: دوو هاونیشتمانی لە شارەکانی سنە و پاوە لەلایەن هێزەکانی ئیدارەی ئیتلاعاتەوە دەسبەسەر کران.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ڕۆژی چوارشەممە ٢٠ی گەلاوێژی ١٤٠٠، چالاکێکی مەدەنی بەناوی “ئەمیر هوشمەند” خەڵکی سنە لەلایەن هێزەکانی ئیتلاعاتەوە دەسبەسەر و ڕەوانەی گرتنگەیەکی ئەمنییەتی ئەو شارە کرا.
جێگای ئاماژەیە کە، ئەو هاونیشتمانییە بەبێ بەڵگەی قەزایی لە ماڵەکەی خۆیدا گیراوە.
هەروەها ڕۆژی یەکشەممە ٢٤ی گەلاوێژ، هێزەکانی سپای پاسداران هاونیشتمانییەکی خەڵکی شاری پاوە بەناوی “فریا بێهنام” دەسبەسەر دەکەن.
هەتا ئیستا لە هۆکاری گرتنی ئەو دوو هاونیشتمانییە هیچ زانیارییەک لەبەر دەست دا نییە.
