چاونیوز: دوو هاونیشتمانیی خەڵکی ئیلام و پاوە لە زیندانی “دزل ئاوا”ـی کرماشان ئێعدام کران
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، هاونیشتمانییەکی خەڵکی ئاوایی “کەهرە” سەر بە هەلیلانی پارێزگای ئیلام بەناوی “مەسعوود ئیسفەندیاری” ٣٥ ساڵە لە بەندیخانەی “دزل ئاوا”ـی کرماشان لەسێدارە درا.
ناوبراو ١٣ ساڵ لەمەوبەر، دەزگیرانەکەی خۆی کوشتبوو و بە تاوانی کوشتنی بە ئانقەست حوکمی ئێعدامی پێدرابوو.
ناوبراو لە سەرەتاکانی مانگی پووشپەڕ ئێعدام کراوە.
هەروەها، بەرەبەیانی ئەمڕۆ دووشەممە هاونیشتمانییەک بەناوی “ئەفشار مینایی” کە ئەویش بە تاوانی کوشتنی بە ئانقەست حوکمی ئێعدامی پێدرابوو لەو بەندیخانەیە لەسێدارە درا.
ئەفشار مینایی خەڵکی ئاوایی “شمشێر”ـێ سەر بە شاری پاوە بوو کە ساڵی ١٣٩٥ بە تاوانی کوشتن بە ئێعدام مەحکووم کرابوو.
