چاونیوز: ئیدارەی ئیتلاعاتی حکوومەتی ئێران لە سنە، دەیان چالاکی سیاسی بانگ و داوای هاوکاریی لێ کردوون.
بەپێی ڕاپۆرتێکی چاونیوز وەرگیراو لە هەنگاو، لە ماوەی یەک حەوتووی ڕابردوودا، بە دەیان چالاکی سیاسی و بەندکراوی پێشووی سیاسیی کورد لە شاری سنە لەلایەن ئیدارەی ئیتلاعاتەوە بانگ کراون.
سەرچاوەیەکی ئاگادار لەو بارەیەوە ڕاگەیاند، ئیدارەی ئیتلاعات دوای بانگ کردنی ئەو چالاکانە داوای هاوکاری لێیان کردووە.
چالاکانی سیاسی و بەندکراوانی پێشووی سیاسی لە کوردستانی ئێراندا بەردوام دەکەونە ژێر چاوەدێریی چڕی هێزە ئەمنیەتییەکان و هەروەها بە شێوەی جۆراوجۆر کێشە و گرفتیان بۆ دروست دەکرێت.
