کۆڵبەرێکی دیکەی کورد، خەڵکی شاری سەردەشت بە تەقەی ڕاستەوخۆی هێزە نیزامییەکانی کۆماری ئیسلامیی ئێران کوژرا.
تازەترین قوربانیی سیاسەتی قەڵاچۆی کۆڵبەران و کاسبکارانی کورد “پشتیوان موعین”ی ناوە و ٢٣ ساڵی تەمەنە. هەواڵەکان لە سەردەشت باس لەوە دەکەن کە دوای کوژرانی ئەم کاسبکارە کوردە، بنەماڵەی موعین تەرمی کوڕەکەیان بردووەتە بەر دەرکی فەرمانداریی شاری سەردەشت و داوای سزادانی تاوانباران و بکوژی کوڕەکەیان کردوە.
کوژرانی پشتیوان موعین لە حاڵێک دایە کە لە سەرەتای ئەمساڵەوە تا ئێستا زیاتر لە 120 کۆڵبەری کورد لە ناوچە سنوورییەکان بە تەقەی هێزە چەکدارەکانی کۆماری ئیسلامی کوژرون و بریندار بوون.