کۆڵبەرێکی دیکەی خەڵکی مەهاباد لە کانیزەردی سەردەشت گیانی لە دەست دا.
ئێوارەی ڕۆژی دووشەممە، 30ی ڕێبەندان تەرمی بێ گیانی ئەبووبەکر عیبرانی، کۆڵبەری خەڵکی گۆکتەپەی مەهاباد لە بناری بەرزاییەکانی کانیزەردی سەردەشت دۆزرایەوە.
ئەبووبەکر عیبرانی خاوەن ژن و سێ منداڵ بوو و لە ناوچە سنوورییەکانی سەردەشت خەریکی کۆڵبەری بوو.
لە ماوەی دوو مانگی زستانی ئەمساڵدا 28 کۆڵبەر و کاسبکار لە ناوچە سنوورییەکانی کوردستان بوونەتە قوربانی کە 7 کەسیان بەهۆی بەربوونەوە لە بەرزایی و ڕەق هەڵاتن لە سەرمان گیانیان لە دەست داوە.
