بەرەبەیانی یەکشەممە ٢٥ی سەرماوەزی ١٤٠٣، پێنج هاونیشتمانیی دیکەی خەڵکی مەهاباد بە ناوەکانی “ڕێبوار و ئەیووب ڕەسووڵی (برا)، عوسمان (شوانە) جەهانیفەر، ڕەحمان دانا و سالار شەمسی بورهان”، بەبێ حوکمی دادوەر لەلایەن هێزەکانی ئیدارەی ئیتلاعاتەوە دەسبەسەر و ڕەوانەی شوێنێکی نادیار کران.
لە هەمان کاتژمێرەکانی سەرەتای ڕۆژی یەکشەممە، حەوت هاونیشتمانیی دیکەش بە ناوەکانی “سیامەند سەیدئەحمەدی، قادر خەرامانفەر، کەماڵ مەسعوودی، جەلال سەدەفی، یووسف قال، ئارام مەبزوولە و زانیار سەید ئەحمەدی” خەڵکی گوندی بەیرەم سەر بە مەهاباد، لەلایەن ئیدارەی ئیتلاعاتی ئەم شارەوە دەسبەسەر کران.
