چاونیوز: وەزارەتی ئیتلاعات بە شێوەی بە کۆمەڵ ڕەشبگیریی لە کوردستان دەست پێکردووتەوە.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، لە ماوەی سێ ڕۆژی ڕابردوودا هێزەکانی وەزارەتی ئیتلاعات لە چەند شاری کوردستان(بانە، سەقز، مەریوان) دەستیان بە گرتنی هاونیشتمانییان کردووە هەتا ئەمڕۆ شەممە ٢٢ی خەزەڵوەری ١٤٠٠، لانیکەم ٣٢ کەس دەسبەسەر کراون.
ناوی سەرجەم گیراوانی ئەم سێ ڕۆژەی دوایی کە هەتا ئێوارەی ڕۆژی شەممە ٢٢ی خەزەڵوەر بۆ “چاونیوز” ئاشکرا بوونە بەم شێوەیەی بەرەوەیە:
بانە: ئەرسەلان پزشکی، رەفێق پزیشکی، سلاح پزیشکی، بهزاد پزیشکی، مەناف پزیشکی، کەریم پزیشکی، لوقمان پزیشکی، ئەبوبەکر پزیشکی، فرهاد پزیشکی، فەرزاد پزیشکی، ئەحمەد پزیشکی، ئەرسەلان پزیشکی، کامران پزیشکی، سەعید پزیشکی، عوسمان محەممەدپوور، جەماڵ مروەتی، کوردۆ حسێن پوور، عەلی.
سەقز:محەممەد مەهجوور، عەبدوڵڵا مەهجوور، ئەیوب مینایی، سامان خوسرەوی، جەماڵ عەزیزی.
مەریوان: محەممەد ئەحمەدی، ئیدریس بهرامیان، فەرید درەخشانی، کەیوان مینویی، عەبدوڕەحمان ئەفشاری، عەبدولرەحمان ئەشتەک.
تاران:عمر شەریفی بۆکانی، فەرحان کەرەمی.
شایانی باسە کە هێزە ئیتلاعاتییەکان ئەو هاونیشتمانیانەیان بەبێ بوونی هیچ بەڵگەی یاسایی دەستبەسەر کردووە و هەتا ئێستا هیچ زانیارییەکی ڕوون سەبارەت بە هۆیی دەستبەسەر کردنیان ئاشکرا نەکراوە و بەپێی زانیارییەکان بەشی زۆری دەستبەسەرکراوان گوازراونەتەوە بۆ گرتنگەی ئیتلاعاتی شاری سنە و لەم نێوەشدا سێ کەس بەناوەکانی “جەماڵ عەزیزی، سامان خوسرەوی و عومەر شەریفی بۆکانی” دوای لێپرسینەوە ئازاد کراون.
سەرچاوەکان باس لەوە دەکەن کە، هێزە ئیتلاعاتییەکان بە درۆن و ماشێنی مانگی سوور خۆیان مەڵاس داوە و ئەو هاونیشتمانیانەیان دەسبەسەر کردووە.
