چالاکێکی مەدەنیی خەڵکی ورمێ بە ناوی “حەمید چپاتی”، لەلایەن دادگای شۆڕشی ئەم شارە، بە تۆمەتی “تەبلیغ دژی نیزامی کۆماری ئیسلامی”، بە سێ مانگ بەندکران حوکم درا.
دانیشتنی دادگایی پێڕاگەیشتن بە تۆمەتەکانی ئەم چالاکە مەدەنییە، ڕێکەوتی ٢٦ی ڕێبەندانی ئەمساڵ لە دادگای شۆڕشی ورمێ بەڕێوەچوو و ڕێکەوتی ٣٠ی ڕێبەندان، حوکمی دادگای سەرەتایی بە پارێزەرەکەی ڕاگەیەندرا.
“حەمید چپاتی” ڕۆژی چوارشەممە ٢٥ی ڕەزبەری ئەمساڵ، دوای بانگکرانی تەلەفۆنی بۆ پۆلیسی ئەمنییەت، بەهۆی بڵاوکردنەوەی بابەتی ڕەخنەگرانە لە تۆڕە کۆمەڵایەتییەکان، دەسبەسەر و دواتر بە دانانی بارمتە ئازاد کرابوو.
