چاونیوز: شاعیر و چالاکێکی مەدەنیی خەڵکی کرماشان دوای بانگکردنی بۆ ئیتلاعاتی سپای کرماشان دەسبەسەر کرا.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ڕۆژی چوارشەممە ٢٢ی بەفرانباری ١٤٠٠ی هەتاوی، “کامران تەکووک” شاعیر و چالاکی مەدەنیی خەڵکی کرماشان دوای بانگکرانی بۆ ئیتلاعاتی سپای ئەو شارە دەسبەسەر کرا و هێشتا تۆمەتی وەپاڵدراو و هۆکاری دەسبەسەرکرانی ناڕوونە.
شایانی باسە کە لە ڕۆژانی ڕابردوودا شەپۆلێکی نوێی گرتن و دەسبەسەرکردنی هاووڵاتییان لە کوردستان لەلایەن هێزە ئیتلاعاتییەکانی ڕێژێمی ئێرانەوە دەستی پێکردووەتەوە.
