چاونیوز: بەهۆی پسانی ڕنووی بەفر ٥ کۆڵبەری دەڤەری ورمێ گیانیان لەدەست دا.
بەپێی هەواڵی چاونیوز، ڕۆژی دووشەممە ۲۹ی بەفرانبار، ٥ کۆڵبەری کورد بە ناوەکانی “مەتین ئەسڵانی کوڕی عوسمان، یاوەر ئەسڵانی کوڕی لوقمان، بولەن ئەحمەدی کوڕی سادق، ئولایی خودایی کوڕی حاتەم و فرات خودایی کوڕی خورشید”، بەهۆی ڕنووی بەفر لە سنووری ورمێ، گیانیان لەدەست دا.
سەرچاوەیەک بە چاونیوزی ڕاگەیاند، بەرەبەیانی ڕۆژی دووشەممە لە نزیک ئاوایی دریشک لە پارێزگای هەکاری(شاری جۆلەمێرگ) چەندین کۆڵبەری کوردی خەڵکی دەڤەری ورمێ وەبەر ڕنووبەفر کەوتن و لە ئاکام دا دوای هاوکاری و بەهاناوە هاتنی خەڵکی ئەو ناوچانە بەشێک لەو کۆڵبەرانە ڕزگاریان بوو و مەخابن ٥ کۆڵبەر گیانیان لەدەست دا.
