چاونیوز: یەکێک لەو شاخەوانانەی کە لە ڕۆژانی ڕابردوو دەسبەسەر کران، هەڕەشەی سزای قورسی لێ دەکرێت.
بەپێی هەواڵی گەیشتوو بە چاونیوز، “محەممەد حەکیمپوور”، یەکێک لەو شاخەوانە سەقزیانەی کە لە ڕۆژی پێنجشەممە، ۱٦ی ڕەزبەر دەسبەسەر کرا، لەلایەن ناوەندە قەزایی و ئەمنییەتییەکانەوە هەڕەشەی سزای قورسی لێ دەکرێت.
بەپێی وتەی کەسانی ئاگادار، محەممەد حەکیمپوور، کە لەگەڵ چەند شاخەوانی دیکەی خەڵکی سەقز دەسبەسەر کرا، بە تۆمەتی لەبەرکردنی جلی خاکی و ڕێزگرتنی نیزامی لە شاخەکان و هەروەها تۆمەتی وەپاڵدراوی ئەندامەتیی یەکێک لە حیزبە کوردییەکانی دژبەری کۆماری ئیسلامی، هەڕەشەی سزای قورسی لێ دەکرێت.





