چاونیوز: هاونیشتمانییەکی خەڵکی دەڤەری پیرانشار لەلایەن هێزە ئیتلاعاتییەکانەوە قۆڵبەست کرا.
بەپێی هەواڵی چاونیوز، ڕۆژی دووشەممە ١٩ی خەزەڵوەری ١٣٩٩، لاوێکی خەڵکی ئاوایی گەزگەسک سەر بە شاری خانێ(پیرانشار) بەناوی محەممەد قادری ئازەر لەلایەن هێزە ئیتلاعاتییەکانەوە دەگیرێ و بۆ گرتنگەی ئیدارەی ئیتلاعات دەگوازرێتەوە.
هەتا ئێستا نەزانراوە کە محەممەد بۆ چی گیراوە و تەنانەت ئیزنیان بە بنەماڵەکەشی نەداوە کە بیبینن یان هەوڵی ئەوە بدەن پارێزەری بۆ دەست نیشان بکەن.
ئەو هیزەی کە محەممەدیاسن گرتووە هیچ بەڵگەیەکی قەزاییان پێ نەبووە.
