چاونیوز: دوو کرێکار لە ئیلام و نەوسوود بە هۆی ڕووداوی کارەوە گیانیان لەدەست دا.
بەپێێ هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ڕۆژی دووشەممە ١٧ی خەرمانانی ١٣٩٩، شاگردێکی مکانیکی تازەلاو خەڵکی گوندی نەیسانە سەر بە شاری نەوسوود بە ناوی ”هەژار (محەمەد) شەریفی“ بە هۆی بەربوونی جەکی ماشێنێکی بارهەڵگر کە بەر سەریدا کەوتووە، دەستبەجێ گیانی لە دەست داوە.
هەرهەمان ڕۆژ و لە ئیلام، لاوێکی ١٩ ساڵانە لە کاتی کارکردن لە بینایەکی نیوەکارە بە هۆی کار دەگەڵ کابڵی زەخت بەهێز و تەزووی کارەباوە گیانی لە دەست داوە.
