“محەممەد دانیالی”، چالاکی فەرهەنگی و ئەندامی گرووپی شاخەوانیی “بناری ئاودانان”، ڕۆژی یەکشەممە ١٤ی بانەمەڕ، لە بەندیخانەی ناوەندیی ئیلام مانگی لە خواردن گرت.
ناوبراو لەهەمبەر دۆخی نەگونجاوی دەسبەسەرکردن و ناجێگیربوونی ڕەوشی دەروونیی خۆی مانی گرتووە.
محەممەد دانیالی ٢٤ ساڵە، ڕێکەوتی ٢٤ی بانەمەڕی ١٤٠٢، لەلایەن هێزەکانی ئیتلاعاتەوە لە شاری دێهلوڕان دەسبەسەر و دوای ٦٠ ڕۆژ بە دانانی بارمتەی ٥ ملیارد تمەنی ئازاد کرابوو.
ئەم هاونیشتمانییە ڕێکەوتی ٢٥ی ڕەشەمەی ١٤٠٣، بە مەبەستی جێبەجێکرانی حوکمی دوو ساڵ بەندکرانی تەعزیری، ڕەوانەی بەندیخانەی ناوەندیی ئیلام کرا.
ئەم چالاکە فەرهەنگییە پێشتر بە تۆمەتەکانی “کۆبوونەوە و چالاکی دژی ئاسایشی نیشتمانی” و “ئەنجامدانی تاوانی کۆمەڵایەتی”، بە دوو ساڵ بەندکرانی تەعزیری، بە لەبەرچاوگرتنی ڕۆژانی دەسبەسەرکرانی، حوکم درابوو.
