بەرەبەیانی سێشەممە ٣٠ی بانەمەڕ، حوکمی سێدارەی بەندکراوێکی خەڵکی کرماشان بە ناوی “یاسر جەلیلیان”، لە بەندیخانەی ناوەندیی ئەم شارە جێبەجێ کرا.
ئەم بەندکراوە پێشتر بە تۆمەتی “کوشتنی بەئەنقەست” دەسبەسەر و دواتر لەلایەن دەزگای دادەوە بە سێدارە حوکم درابوو.
هەروەها بەرەبەیانی دووشەممە ٥ی جۆزەردان، حوکمی سێدارەی “موراد دەلایی میلان” خەڵکی گوندی “مەسجێدلوو” سەر بە شاری ماکۆ، لە بەندیخانەی ناوەندیی ئەم شارە جێبەجێ کرا.
لەمبارەوە سەرچاوەیەکی ئاگادار بە چاونیوزی گوت: ئەم بەندکراوە کە خاوەن حەوت منداڵە، لە پێنج ساڵ پێشەوە بە تۆمەتی پەیوەندیدار بە مادەی هۆشبەرەوە دەسبەسەر و لەلایەن دەزگای دادەوە بە سێدارە حوکم درابوو.
هەواڵی لەسێدارەدانی ئەم دوو بەندکراوە تا کاتی بڵاوبوونەوەی ئەم هەواڵە، لە میدیا حکوومەتییەکان یان دەزگای دادەوە ڕانەگەیەندراوە.
وێنە: موراد دەلایی میلان
