لەماوەی چەند ڕۆژدا ڕابردوودا مەنسوور سوڵتانی، مەحموود ئامانی، خەلیل شەعبانی، مێهدی مەجیدی، زاهێد مورادی، فەردین ساڵحی و فەرزاد ڕەحیمزادە، حەوت هاووڵاتیی خەڵکی شاری سەقز لەلایەن هێزەکانی ئیدارەی ئیتلاعاتی کۆماری ئیسلامیی ئێرانەوە دەسبەسەر کراون و چارەنووسیان نادیارە.
بەپێی ڕاپۆرتێک کە بە چاونیوز گەیشتووە ڕۆژی چوارشەممە ١٤خەزەڵوەری ١٤٠٤ی هەتاوی، خەلیل شەعبانی، مەحموود ئامانی، زاهێد مورادی، فەرزاد ڕەحیمزادە، مێهدی مەجیدی، فەردین ساڵحی و مەنسوور سوڵتانی، حەوت هاووڵاتیی خەڵکی سەقز
لەلایەن هێزەکانی ئیدارەی ئیتلاعاتەوە دەسبەسەر کراون و دوای تێپەڕبوونی پێنج ڕۆژ لە دەسبەسەرکرانیان هیچ زانیارییەک لە سەر چارەنووس و شوێنی ڕاگیران و هۆکاری دەسبەسەرکردنی ئەم هاووڵاتییانە لەبەر دەستدا نییە.
