لە درێژەی ڕەشبگیرەکانی کوردستاندا سێ لاوی تر لە سنە دەسبەسەر کران.
ڕۆژی پێنجشەممە ۲ی جۆزەردان، سێ چالاکی مەدەنی شاری سنە بە ناوەکانی ئیدریس مینبەری، زارا محەمەدی و ڕێبوار مینبەری، لە لایەن ناوەندە ئەمنیەتییەکانی ڕێژیمەوە دەسبەسەر کران و بۆ شوێنێکی نادیار گوازرانەوە.
ئەگەرچی تا ئێستاش بە ڕەسمی ڕوون نییە هۆکاری گرتنی ئەم سێ کەسە چییە و شوێنی بەندکران و ڕاگرتنیان کوێیە، بەڵام دەگوترێ ئەم سێ کەسە بە تۆمەتی پێوەندی هاوکاریکردنی حیزبێکی کوردیی دژبەری ڕێژیمەوە گیراون.
شایانی باشە کە ئیدریس مینبەری، زارا محەمەدی و ڕێبوار مینبەری لە بەڕێوەبەرانی ئەنجوومەنی فەرهەنگی_کۆمەڵایەتیی “نۆژین”ن کە لە چەندین شاری پارێزگای سنە چالاکیی هەیە.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
