ڕۆژی دووشەممە ٢٣ی پووشپەڕ، ٤ هاونیشتمانیی خەڵکی گوندی “ئارنان” سەر بە شاری سنە بە ناوەکانی “عەلی ئەحمەدی، ئەیووب ئەحمەدی، دیار ئەحمەدی و عابد ئەحمەدی”، لەلایەن هێزە ئەمنییەکانەوە دەسبەسەر کران.
لەمبارەوە سەرچاوەیەکی ئاگادار بە چاونیوزی گوت: چەندین ماشینی پلاک شەخسی، بەبێ حوکمی دادوەر هەڵیانکوتایە سەر ماڵی ئەم ٤ هاونیشتمانییە لە گوندی ئارنان و دەسبەسەریان کردن و بۆ گرتنگەی ئیتلاعاتی سنەیان ڕاگواستن.
شایانی باسە کە؛ دیار و عەلی و ئەیووب ئەحمەدی، پێشتریش لە کۆتاییەکانی خەرمانان و ڕەزبەری ١٤٠٢، لەلایەن ئیتلاعاتی سپاوە لەم گوندەدا دەسبەسەر و دوای چەند هەفتە بە دانانی بارمتە ئازاد کرابوون.
