چاونیوز: هاوژینی پاسدارە کوژراوەکەی پیرانشار لەلایەن هێزەکانی ئیتلاعاتی سپای پاسداران دەسبەسەر کرا.
بەپێی هەواڵی چاونیوز، ڕۆژی چوارشەممە یەکی گوڵان، “سەفیا مامەش پوور” هاوسەری “عوسمان حاجی حوسێنی” لەلایەن هێزەکانی ئیتلاعاتی سپای پاسدارانی پیرانشار دەسبەسەر و بۆ گرتنگەیەکی ورمێ گوازرایەوە.
“عوسمان حاجی حوسێنی” ڕۆژی هەینی ٢٨ی خاکەلێوە لە ڕێگایی نێوان ئاواییەکانی زێوە کاسوورەدێ لەلایەن کەسانی نەناسراوەوە تەقەی لێدەکرێ، کە دواتر گروپێک بەناوی “هەڵۆکانی زاگرۆس” کوشینی ئەو پاسدارەی وەئەستۆی خۆیان گرت.
هەر لەم پێوەندییەدا، ڕۆژی شەممە ٢٩ی خاکەلێوە دایک و دوو کوڕ بەناوەکانی “گوڵاڵە مرادی، تاهیر بەزازی و مەتین بەزازی” کە خزمی ئەو پاسداراە بوونە، لەلایەن هێزە ئیتلاعاتییەکانی سپا دەسبەسەر و ڕەوانەی ورمێ کراون.
