ڕۆژی چوارشەممە ١٣ی خاکەلێوە، هاونیشتمانییەکی خەڵکی شارەدێی “پەهلە” سەر بە شاری دێلۆران بە ناوی “فەرزاد عەبدی”، لەلایەن هێزە ئەمنییەکانەوە دەسبەسەر کرا.
لەمبارەوە سەرچاوەیەکی ئاگادار بە چاونیوزی ڕاگەیاند: ئەم هاونیشتمانییە کە لە چالاکانی جەژنی نەورۆزیی ئەم شارە بووە، بەبێ حوکمی دادوەر و بە شێوەیەکی توندوتیژ دەسبەسەر کراوە.
ئەم سەرچاوەیە زیادیشی کرد: فەرزاد عەبدی بەهۆی لێدانی لەلایەن هێزە ئەمنییەکانەوە، دەستێکی بەتوندی ئازاری بینیوە.
تا ئێستا لە شوێنی ڕاگیران، چارەنووس و تۆمەتە وەپاڵدراوەکان دژی ناوبراو، زانیارییەک لەبەر دەستدا نییە.
