بەرەبەیانی یەکشەممە ٣١ی خاکەلێوە، دوو هاونیشتمانیی لاوی خەڵکی گوندی “شاوانێ” سەر بە شاری شنۆ بە ناوەکانی “زاهیر مەحموودیان و محەممەد خزری”، لەلایەن هێزە ئەمنییەکانەوە دەسبەسەر و بۆ شوێنێکی نادیار گواسترانەوە.
لەمبارەوە سەرچاوەیەکی ئاگادار بە چاونیوزی گوت: بەرەبەیان هێزە ئەمنییەکان بەبێ حوکمی دادوەر هەڵیانکوتایە سەر ماڵی ئەم دوو هاونیشتمانییە و دەسبەسەریان کردن، هەروەها دەستیان بەسەر مۆبایلەکانیاندا گرت.
هەتا ئێستا لە هۆکاری دەسبەسەرکردن، شوێنی ڕاگرتن و تۆمەتە وەپاڵدراوەکان دژی ناوبراوان، زانیارییەک لەبەر دەستدا نییە.
