چاونیوز: هاووڵاتییەکی خەڵکی مەهاباد بۆ جاری دووهەم لەلایەن هێزە ئەمنییەتییەکانەوە دەسبەسەر کراوە و بەرەو شوێنێکی نادیار گوازراوەتەوە.
بەپێی هەواڵە بڵاوکراوەکان، ڕۆژی دووشەممە، ١٣ی ڕەزبەر، “عەلی ڕیاحی”، خەڵکی گوندی قەرەقشڵاق، سەر بە ناوچەی شاروێرانی مەهاباد، لەلایەن هێزە ئەمنییەتییەکانەوە لە ماڵەکەی خۆی دەسبەسەر کراوە و بەرەو شوێنێکی نادیار ڕاگوازراوە.
شایانی باسە، ئەم کەسە پێشتر لە ١٣ی ڕێبەندانی ١٤٠٤ جارێکی دیکە دەسبەسەر کراوە و پاش حەوت مانگ بە دانانی بارمتەی ١٥ میلیارد تمەنی بە شێوەی کاتی ئازاد کرابوو.
هەتا کاتی بڵاوبوونەوەی ئەم هەواڵە، لەسەر شوێنی ڕاگرتن و باری تەندروستیی ناوبراو هیچ زانیارییەک لە بەردەستدا نییە.





