چاونیوز: دوو هاونیشتمانی لە شارەکانی سنە و مەریوان لەلایەن هێزەکانی ئیدارەی ئیتلاعاتەوە دەسبەسەر کران.

بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، ڕۆژی یەک شەممە ٩ی خەزەڵوەری ١٤٠٠، هێزەکانی ئیدارەی ئیتلاعاتی شاری مەریوان چالاکێکی مەدەنی و ژینگەیی ئەو شارەیان بەناوی “نەوید کۆنەپۆشی” دەستبەسەر کرد.

ئەو چالاکە مەدەنییە ئەندامی ئەنجوومەنی “سەوزی چیا”ـی مەریوانە کە بەبێ بەڵگەی قەزایی گیراوە و بۆ شوێنێکی نادیار گوازراویتەوە.

هەروەه لە شاری سنە، چالاکێکی دیکەی مەدەنی و لە هەڵسووڕاوانی بەستێنی “ماددە سڕکەرەکان” بەناوی “ئازاد محەممەدی” لەلایەن هێزەکانی ئیتلاعاتەوە بە لێدان و بێ ڕێزی دەسبەسەر و دوای چەند کاتژمێر لێپرسینەوە ئازاد کرا.

https://t.me/ikhrc