چاونیوز: ماموستایەکی قوتابخانە لە مهاباد و چالاکێکی مەدەنی لە سەردەشت قۆڵبەست کران.
چاونیوز، ڕۆژی یەکشەممە ١٢ی ڕێبەندانی ١٣٩٩، ماموستای قوتابخانەی مهاباد بەناوی سیاوەش عەینی لەلایەن هێزەکانی ئیدارەی ئیتلاعات دەسبەسەر کرا.
ئەوە دووهەم ماموستای قوتابخانەیە کە لە ڕەشبگیرییەکەی ئەم دواییانەی کوردستان قۆڵبەست کراوە، پێشتر لە شاری شنۆ ماموستایەکی دیکەش بەناوی عەزیز قادرتاج دەسبەسەر کرابوو.
لەلایەکی دیکەشەوە، ماوەی نزیک بە حەوتوویەک دەبێ کە هێزەکانی ئیتلاعاتی سپای پاسداران هاونیشتمانییەکی خەڵکی سەردەشت بەناوی پێشەوا سالحزادەیان دەسبەسەر کردووە و هەتا ئێستا هیچ زانیارییەک لە سەر هۆکاری گرتنی و شوێنی ڕاگرتنەکەی لەبەر دەست دانییە.
پێشەوا سالحزادە چالاکی مەدەنی و ئەدەبی خەڵکی سەردەشت پێشتر لە ساڵی ١٣٩٣ بۆ ماوەی ١٥ مانگ بە تۆمەتی دژایەتی دەگەڵ ڕێژیمی کۆماری ئیسلامی دەسبەسەر کرابوو کە دواتر وەبەر لێبوردەیی مەرجدار کەوتبوو.
