چاونیوز: لانیکەم ٨٠ کەس لە کوردستان بە هۆکاری جۆراوجۆری ئابووری کۆمەڵایەتی کۆتاییان بە ژیانی خۆیان هێناوە.

بە پێی ناوەندی ئاماری چاونیوز”ناوەندی مرۆڤ بۆ ڕۆژهەڵاتی کوردستان”: لە ماوەی سێ مانگی بەهاری ئەمساڵدا هەر نەبێ ٨٠ کەس لە کوردستان خۆیان کوشتوە کە ئەم ناوەندە شوناسی ٤٤ کەس لەوانی بە ڕوونی تۆمار کردووە.

بەپێی ئەم ڕاپۆرتە که‌م‌ته‌مه‌نترینیان کچێکی ١٦ ساڵ و به‌ته‌مه‌نترینیان پیاوێکی ته‌مه‌ن ٥٥ ساڵانە بووه‌.

بەردەوامیی خۆکوشتنەکان لە کوردستان وەرزی یەکەمی ئەمساڵیش‌دا لە حاڵێک‌دایە کە لە ساڵی ڕابردووشدا لانیکەم ١٥٣ کەس له‌و سه‌دان که‌سه‌ی به‌هۆی جۆراوجۆی وه‌ک هه‌ژاری، بێهیوایی و کێشه‌ی خێزانییەوە هه‌وڵی خۆکوشتنیان دابوو‌، هەوڵەکانیان بەداخەوە سەرکەوتوو ببوو.