چاونیوز: دوو زیندانی بە ناوەکانی “یووسف زەمانی” و “سینا مەردانی” لە زیندانی ناوەندیی سنە، تووشی ڤایرۆسی کۆرۆنا بوونه.
ئەو سەرچاوەیە هەروەها دەڵێت: ئەو دوو زیندانییە لە بەندەکانی قورئانی ٢ی لاوان دان و ڤایرۆسی کۆرۆنا لە زیندانی سنە، بڵاوبووتەوە و بەرپرسانی زیندان بۆ پێشگیری لە بڵاوبوونەوەی کۆرۆنا هیچ هەوڵکیان نەداوە.
ئەو سەرچاوە ئاگادارە هەروەها ئەوەشی خستەڕوو، هەتا ئێستا کەرەستەی بێهداشتی بە تایبەتی وەک دەمامک و دەستەوانە بۆ زیندانییەکان بۆ پێشگیری لە تووشبوونی ڤایرۆسی کۆرۆنا دابین نەکراوە.
زیندانی سنە زیاتر لە ١٠ بەندی هەیە، زیندانییانی ژن لە سنە لە زۆربەی کاتەکاندا، لە کانوونی چاکسازی و پەروەردەی زیندانی سنە، ڕاگیراون و ناوەندی سەرپەرەستی لە ئەستۆی ڕێکخراوی زیندانەکانی هێزی قەزایی دایە.
