چاونیوز: هاونیشتمانییەکی خەڵکی بانە بەهۆی تەقەی ڕاستەوخۆی هێزە نیزامییەکان لە ماشینەکەی بە سەختی بریندار بووە.
بەپێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، شەوی هەینی ١ی ڕێبەندانی ١٤٠٠ی هەتاوی، هێزە نیزامییەکانی کۆماری ئیسلامی لە جادەی سورێن – کەریم ئاوای شاری بانە ماشینی هاونیشتمانییەک بەناوی “وریا حەسەنی” دەدەنە بەر فیشەک و بە توندی برینداری دەکەن.
ئەو هاونیشتمانەی خەڵکی بانەیە کە بەبێ هیچ هۆکارێک دەدرێتە بەر دەسڕێژی فیشەک و بە سێ فیشەک بە توندی بریندار دەبێ؛ ئەم هاووڵاتییە لە نەخۆشخانەی سەلاحەدین لەژێر چاوەدێریی چڕی پزیشکیدایە.
