چاونیوز: دوو ژنە چالاکی بواری مافی ژنان بە تۆمەتی نوێ بانگهێشتی دادگا کرانەوە.
بەپێی زانیارییەکانی بەردەست، لە ڕۆژانی سەرەتای مانگی خەزەڵوەر، “لەیلا پاشایی” و “باران ساعیدی”، دوو ژنە چالاکوانی بواری مافی ژنان، کە پێشتر لە ڕاپەڕینی “ژینا”دا دەسبەسەر کرابوون، بە تۆمەتی بێبنەمای “کۆبوونەوە، ڕێکخستن و هەوڵ بە دژی حکوومەت” بانگهێشتی دادگای بەدواداچوونی پارێزگای سنە کراون.
ئەم بانگهێشتکردنە لە حاڵێکدایە کە دۆسیەی پێشوویان لە ڕێکەوتی ٢٠ی ڕەشەممەی ١٤٠٣دا بە هۆی چالاکیی لە ڕۆژی جیهانیی ژن داخراوە، بەڵام ئیتلاعات سەرەڕای سزای ٣ مانگ بەندکرایان بۆ دەرچوو، دیسان خوازیاری بەرزبوونەوەی سزاکەیانە.





