۵ی جۆزەردانی ساڵی ۱۳۹۹ ھەتاوی
آموزش وردپرس

لە ساڵی ۲۰۱۹دا لانیکەم ۲۹۸ کەس لە کوردستان خۆیان کوشتوە

لە ساڵی ۲۰۱۹دا لەو سەدان کەسەی هەوڵی خۆکوشتنیان داوە، لانیکەم ۲۹۸ کەسیان گیانیان لەدەست داوە.

ئاماری خۆکوژییەکانیش لە کوردستان بەهۆی کەمتەرخەمیی دامودەزگا دەوڵەتی‌ و حکومییەکانەوە لە ماوەی ۲۰۱۹ی زایینیشدا دیار و بەرچاو بوو.

“چاونیوز”، ماڵپەڕی ناوەندی مافی مرۆڤی ڕۆژهەڵاتی کوردستان بڵاوی کردەوە لە ماوەی سێ مانگی وەرزی کۆتایی ساڵی ۲۰۱۹دا هەر نەبێ ۸۰ کەس لە کوردستان خۆیان کوشتوە کە ناوەندی مافی مرۆڤی ڕۆژهەڵاتی کوردستان شوناسی ۵۴ کەس لەوانی تۆمار کردوە. لە شەش مانگی یەکەمی ۲۰۱۹شدا لانیکەم ۱۲۳ کەس و لە وەرزی سێهەمی ساڵیشدا ۹۵ لە کوردستان بەهۆکاری جۆراوجۆر خۆیان کوشتوە و  و بەمەش ژمارەی ئەو کەسانەی لە کوردستان لە ماوەی ئەمساڵدا بەهۆی خۆکوشتن کۆتاییان بە ژیانیان هاتوە، گەیشتە ۲۹۸ کەس.

ئەو ئامار و زانیارییانەی ناوەندی مافی مرۆڤ بۆ ڕۆژهەڵاتی کوردستان لەسەر پێشێلکردنی مافی مرۆڤ لەو بەشەی ئێران بڵاوی کردۆتەوە تەنیا ئەو بەشە لەو حاڵەتانە دەگرێتەوە کە هەواڵ و زانیارییەکان بە ئاشکرا بە میدیایی کراون و لە لایەن سەرچاوە باوەڕپێکراوەکانەوە ئاماژەیان دراوەتێ، ئەگینا ئەو ناوەندە پێی وایە کە ئاماری ورد و دروستی پێشێلکاریی مافی مرۆڤ لە کوردستان بەهۆی کۆماری ئیسلامیی ئێران زۆر زیاتر لەو ئامارەیە کە ڕاگەیەندراوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code