۱۹ی گەلاوێژی ساڵی ۱۳۹۹ ھەتاوی
آموزش وردپرس

۴۱ کرێکاری کورد بە هۆی ڕووداوی کارەوە گیانیان لە دەست داوە

ژمارەی قوربانیانی ڕووداوی کار لە کوردستان لە ماوەی ساڵی ڕابردوودا زیاتر لە ۲۰۰ کەس بووە کە ناوەندی مافی مرۆڤ بۆ ڕۆژهەڵاتی کوردستان ناو و شوناسی ۴۸ کەس لەوانی تۆمار کردووە. لەو ۴۸ کەسە ۴۱ کەسیان گیانیان لە دەست داوە و ۷ کەسیش بریندار و نقوستان بوون.

لە ماوەی سێ مانگی زستانی ساڵی رابردوودا هەر نەبێ ۱۲ کرێکاری کورد بەهۆی ڕووداوی گیانیان لە دەست داوە. لە وەرزی بەهاریشدا ۱۰ کرێکار، لە وەرزی هاویندا ۱۱ کرێکار و لە پاییزیشدا ۸ کرێکاری کورد بەهۆی ڕووداوی کار گیانیان لەدەست دابوو. بەو پێیە ژمارەی ئەو کەسانەی لە ساڵی ۱۳۹۷دا بەهۆی ڕووداوی کار لە کوردستان گیانیان لە دەست داوە، ۴۱ کەس بووە. ئەوە جیا لەوەی سەدان کەسیش بە شێوەی جۆراوجۆر لە کاتی کاردا بریندار یان نقوستان بوون.

گیانلەدەستدان و نقوستانبوونی کرێکاران لە کوردستان بەهۆی ڕووداوی لە حاڵێک دایە کە تەنیا سەدی ١٠ی ئەم كرێكارانەی لە کاتی كاركرندا تووشی رووداوی کار ده‌بن بیمەن ‌و، سەدی ٩٠ی کرێکاران، به‌ تایبه‌ت کرێکارانی که‌رتی بیناسازی لە ژێر چاودێریی هیچ بیمەیه‌ک دانین.

هەروەها بارودۆخی کرێکارانی کورد له‌ ساڵی ۱۳۹۷ دڵته‌زێنتر و ناله‌بارتر له‌ ساڵانی پێشوو بوو. بەهۆی قەیرانی ئابووری و ئاوسانی بازاڕ توانای کڕینی کرێکاران چەند هیندە لە کەمی دا. سەرباری ئەمەش مووچه‌ و حه‌قده‌ستی کرێکاران له‌ زۆربه‌ی کارخانه‌ و ئیداره‌ ده‌وڵه‌تییه‌کانی وه‌ک شاره‌وانی سێ مانگ و ته‌نانه‌ت شه‌ش مانگ دواکه‌وتوه‌ و ئه‌وه‌ جیا له‌وه‌ی ده‌رکردن له‌ کار و بێکارکرانیان هه‌میشه‌ وه‌ک مۆته‌که‌ به‌سه‌ریانه‌وه‌ بووه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code