ئەمڕۆ ڕێکەوتی 12 كانونی یه‌كه‌م ساڵی 2018 زایینی
آموزش وردپرس

کوژران و برینداربوونی دوو کۆڵبەرێکی دی لە بانە

بەهۆی تەقەی هێزە چەکدارەکانی کۆماری ئیسلامی لە ناوچەی بانە دوو کۆڵبەر کوژران و بریندار بوون.

سەرلەبەیانی ئەمڕۆ پێنجشەممە، 8ی سەرماوەز هێزە چەکدارەکانی ڕێژیم لە پایگای ماڵتەی بانە تەقەیان لە پۆلێک کۆڵبەر کردووە و لەو دەستڕێژەدا یەک لەوانیان کوشتووە.

هادی سەلیمی، تازەترین قوربانیی جینایەتەکانی کۆماری ئیسلامی خێزاندار و باوکی دوو منداڵ بووە.

کوژرانی ئەو کۆڵبەرە لە حاڵێکدایە کە ئێوارەی ڕۆژی سێشەممە، ٦ی سەرماوەزیش هێزە چەکدارەکانی ڕێژیم لە پایگای بڕوێشکانی  پۆلێک کۆڵبەریان داوەتە بەر دەستڕێژ و لە ئاکامدا کۆڵبەرێک بە ناوی مێهدی ئەمینی بریندار بووە. لەو ڕووداوەدا چەکدارێکی هێزەکانی ڕێژیمیش بەناوی “مستەفا عەبدولمەلیکی” کوژراوە.

هۆکاری کوژرانی ئەو چەکدارەی کۆماری ئیسلامی تا ئێستا ڕانەگەیەندراوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code