۷ی رەشەمەی ساڵی ۱۳۹۸ ھەتاوی
آموزش وردپرس

ده‌سبه‌سه‌رکردنی چه‌ند لاوی کورد له‌ بۆکان و مه‌ریوان

ده‌زگا ئه‌منیه‌تییه‌کانی کۆماری ئیسلامی له‌ شاره‌کانی بۆکان و مه‌ریوان ڕه‌شبگیرێکی دیکه‌یان له ‌لاوانی کورد خستووه‌.

ئیداره‌ی ئیتلاعاتی بۆکان ڕۆژی پێنجشه‌ممه‌، ۲ی خاکه‌لێوه‌ که‌سێکی خه‌ڵکی ئه‌و شاره‌یان به‌ناوی “بێهزاد سه‌لیم‌زاده”‌ ده‌سبه‌سه‌ر کردوه‌. به‌پێی زانیارییه‌کان ناوبراو به‌ تۆمه‌تی هه‌ڵکردنی ئاڵای کوردستان له‌ ڕێوڕه‌سمه‌ نه‌ورۆزییه‌کان له‌ چیای به‌رده‌زه‌رد گیراوه‌.

هه‌روه‌ها له‌ شاره‌دێی “نێ”ی مه‌ریوان دوو لاو به‌ ناوه‌کانی “کۆسار ئەرژەنگی” و سەلاح ئەمیا” که‌ وێڕای کۆمه‌ڵێک لاوی دیکه‌ له‌ ڕه‌شبگیرهی هێزه‌ ئه‌منیه‌تییه‌کاندا ده‌سبه‌سه‌ر کرابوون، هێشتا له‌ به‌ندیخانه‌ی ئیداره‌ی ئیتلاعات‌ دان و چاره‌نووسیان ناڕوونه‌.

جێی باسه‌ لە ماوەی ساڵی ۱۳۹۶دا ئەوەندەی سەرچاوەکانی هەواڵ پشتڕاستیان کردووەتەوە و دەستیان بە زانیارییەکان ڕاگەیشتووە، ۶۶۷ کەس لە خەڵکی ئاسایی و چالاکانی مەدەنی و سیاسی لەلایەن دەزگا ئەمنیەتییەکانەوە بە تۆمەتی چالاکیی ئەمنیەتی و سیاسی لە دژی کۆماری ئیسلامی و بەرژەوەندییەکانی ئەو ڕێژیمە گیراون. لەو ۶۶۷ کەسەی لە ماوەی ئەمساڵدا دەسبەسەر کراون، لانیکەم ۵۲ کەسیان دادگایی و سزای لە شەش مانگ تا سزای درێژخایەنی ۳۰ ساڵ زیندانیان بەسەردا سەپاوە و سەرجەم ۲۸۶۹ مانگ (۸۸۹۳۹ ڕۆژ) زینداییان بەسەردا سەپاوە. هەروەها ۶ بەندکراوی کوردیش بە تۆمەتی محاربە و ئەندامەتیی حیزبە کوردییەکانی ئۆپۆزیسیۆن سزای ئێعدامیان بەسەردا سەپاوە و ۱۰ بەندکراوی کوردیش لەژێر ئەشکەنجەدا و لە گرتووخانەکانی ناوەندە ئەمنیەتییەکاندا گیان لێ ئەستێندراوە.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

*

code