چاونیوز: لە درێژەی ڕەشبگیری هاونیشتمانیان لە کوردستان، چوار کەسی دیکە لە شارەکانی سنە و نەغەدە دەسبەسەر کران.
بەپێی هەواڵێ چاونیوز، ئەمڕۆ سێ شەممە ٣٠ی بەفرانباری ١٣٩٩، سێ هاونیشتمانی خەڵکی ئاوایی دانیکەش سەر بە شاری کەڵاتەرزانی سنە بەناوەکانی ئاسۆ محەممەدی، ئومید سەلیمی و ڕەحیم سەلیمی لەلایەن هێزەکانی ئیتلاعاتەوە دەسبەسەر کراون.
لەلایەکی دیکەشەوە هێزەکانی ئیدارەی ئیتلاعات هێرش دەبەنە سەر ئاوایی شاوەلەی سەر بە شاری نەغەدە و بە لێدان و بێ ڕێزییەکی زۆر هاونیشتمانییەک بەناوی ڕەحمان دریازی دەسبەسەر و بۆ شوێنێکی نادیار دەیگوازنەوە.
هەتا ئێستا نەزانراوە ئەو هاونیشتمانییانە بە چ هۆکارێک گیراون و لە کوێ ڕادەگیرێن.
