چاونیوز: هاونیشتمانییەکی خەڵکی ئیلام بە تەقەی ڕاستەوخۆی هێزە ئینتزامییەکان کوژرا.
بەپێێ هەواڵی چاونیوز، سەرەتاکانی مانگی خەزەڵوەر هێزە ئینتزامییەکانی دەرەشار لە پارێزگای ئیلام تەقە لە لاوێک بەناوی حامید زۆهرابی ٣٠ ساڵانە دەکەن و بەسەختی بریندار دەبێ، ئەو لاوە دوای چەند ڕۆژ لە نەخۆشخانە لەبەر سەختی برینەکانی کۆتایی بە ژیانی دێ.
هەتا ئێستا دیار نییە ئاخۆ ئەو هێزانە بۆچی تەقەیان لە حامید کردووە و ناوبراویان کوشتووە، هەروەها بنەماڵەکەی هەتا بریندار بوو و لای دوکتور لە ژێر چاودێری دابوو نەیانتوانی کوڕەکەیان ببینن و بیدوێنن.
