چاونیوز: دوو هاونیشتمانیی ناوچەی “دەشتەبێڵ”سەر بە شاری شنۆ لەلایەن هێزەکانی ئیتلاعاتی سپای پاسداران دەسبەسەر کران.
بە پێی هەواڵی چاونیوز(ناوەندی مافی مرۆڤ بۆ ڕۆژهەڵاتی کوردستان)، بەیانی ئەمڕۆ پێنج شەممە ٣ی پووشپەڕی ١٤٠٠، هێزەکانی ئیتلاعاتی سپای پاسداران بە چەندین ماشێنی پڕ لە هێز، هێرشیان کردە سەر ئاوایی “ئاڵیان” لە ناوچەی “دەشتەبێڵ” سەر بە شاری شنۆ و دوو هاونیشتمانیی بە ناوەکانی “هاشم خۆران” و “مێهران سولەیمان پوور”یان دەسبەسەر کرد.
ئەو هێزانە دوای گەڕان و پشکنینی ماڵی ئەو دوو هاونیشتمانییە، هەندێک لە کەرەسەی کەسیی ئەو گیراوانەیان دەگەڵ خۆیان برد.
هەتا ئێستا هۆکاری گرتنی ئەو دوو هاونیشتمانییە ڕوون نەبووتەوە.
