چاونیوز: هاووڵاتییەکی کورد خەڵکی سنە، بەهۆی هەژاری و نەداری کۆتایی بە ژیانی خۆی هێنا.
بە پێێ هەواڵی چاونیوز بە گێڕانەوە لە کوردپا، “جەلیل تایمواردی” تەمەن ٥٠ ساڵ خاوەنی ٣ منداڵ، بەهۆی دەسکورتی و هەژاری دەستی بۆ خۆکوژی برد.
ئەو هاووڵاتییە کوردە، دانیشتووی گەڕەکی کانی کۆزەڵەی شاری سنە بووە.
کارناسانی کاروباری کۆمەڵایەتی کێشەی بێکاری و هەژاری وەک سەرەکی‌ترین هۆکاری خۆکوژیی هاووڵاتییان لە قەلەم ئەدەن،کە بەهۆی گەمارۆ ئابوورییەکان و چوونەسەری ئاماری بیكاری لە ئێراندا، ئاماری خۆکوژیی هاووڵاتییان ڕۆژ لە دوای ڕۆژ ڕوو لە زیادبوون دەکات.
