ڕۆژی سێشەممە ١٨ی خەرمانانی ١٤٠٤، بەندکراوێکی سیاسی ژن بەناوی “بەفرین مەعرووفی” خەڵکی شاری بۆکان کە لە بەندی ژنانی بەندیخانەی ناوەندیی ورمێ ڕادەگیرا، پاش تێپەڕاندنی ١٠٩ ڕۆژ دوای تەواوبوونی ماوەی سزاکە ئازاد کرا.
ئەم هاونیشتمانییە ٤٣ ساڵەیە، ڕۆژی یەکشەممە ٤ی جۆزەردانی ١٤٠٤، بە مەبەستی جێبەجێکرانی سزای بەندکرانەکەی ڕەوانەی بەندی ژنانی بەندیخانەی ورمێ کرابوو.
خاتوو بەفرین، لەلایەن لقی ١٠١ی دادگای کەیفەری ٢ی بۆکانەوە بە تۆمەتی “هاوکاری لەگەڵ یەکێک لە حیزبە کوردستانییەکانی ئۆپۆزسیۆنی ڕێژیمی ئێران” بە چوار مانگ و حەوت ڕۆژ بەندکران سزا درابوو.
ڕۆژی پێنجشەممە ١١ی ڕێبەندانی ١٤٠٣، هێزە ئەمنییەتییەکانی ئێران بە بێ بەڵگەی یاسایی ئەم ژنە کوردەیان لە ماڵەکەی خۆیدا دەسبەسەر کردبوو. ناوبراو پاش دەسبەسەرکران و کۆتاییهاتنی قۆناغەکانی لێپرسینەوەکەی ڕەوانەی بەندیخانەی ورمێ کرا و ڕۆژی شەممە ٢٧ی ڕێبەندانی ١٤٠٣، بە دانانی بارمتە و بە شێوەی کاتی لە بەندی ژنانی بەندیخانەی ناوەندیی ورمێ ئازاد کرا.
