چاونیوز: ڕۆژی چوارشەممە ٣١ی بانەمەڕ، لاوێکی کورد بە ناوی “شەهاب ئاجی” کوڕی “حوسێن”، تەمەن ٢٣ ساڵ و خەڵکی گوندی “گەرگول” و دانیشتووی نەغەدە، پاش بانگهێشتکردنی بۆ ئیدارەی ئیتلاعات، دەسبەسەر کراوە.
ئەو لاوە کوردە بۆ لێپرسینەوە ڕەوانەی گرتنگە کراوە و هیچ زانیارییەک لەمەڕ چارەنووسی لەبەر دەستدا نییە.
لە ماوەی ڕابردوودا، ناوەندە ئەمنییەتییەکان چەندین جار ئەو لاوە کوردەیان بانگهێشت کردووە و لێپرسینەوەیان لێکردبوو.
هەتا کاتی بڵاوبوونەوەی ئەم هەواڵە، لە هۆکاری دەسبەسەرکردنی ئەو لاوە کوردە هیچ زانیارییەک لەبەر دەستدا نییە.
